Njagi Moral Kanti Dzikir (Khutbah Jawa)

Ing nagari kita sedaya katah pendakwah-pendakwah ingkang maringi siraman rohani dateng umatipun. Nanging, punapa kanti kathahipun pendakwah-pendakwah menika saget mbekta pengaruh majeng kagem umat? napa tambah dinten tambah minggah umat ingkang sae, napa tambah dinten tiyang kathah ingkang bidhal dateng panggenan ibadah? napa tambah dinten moral umat  tambah sae uga ningkat? 

Kita sedaya saget introspeksi awak kita sedaya, napa pandamel kita sedaya berubah, amal ibadah kita meningkat sak sampunipun kita sedaya mirengaken ceramah-ceramah, khutbah utawi pengaosan-pengaosan? Kita sedaya saget introspeksi awak kita piyambak

Kajawi punika, kita sedaya saget ningali lingkungan kita sedaya. Warta-warta ing televisi kala niki kathah paring pawarta babagan kemerosotan moral manungso. Awit saking korupsi, suap, konsumsi narkoba, tawuran remaja, ugi remaja ingkang sampun boten wirang numindakaken free sex utawi perzinahan, maling, ngrampok, pamejahan ugi taksih kathah malih warta babagan dekadensi moral ingkang kedadosan ing lingkungan kita sedaya.

Padahal, ingkang sampun kita sedaya mangertosi ing nagari kita sedaya katah pendakwah-pendakwah ingkang ngajak dhateng kesaenan. Saben dinten utaminipun ing wulan Ramadhan katah penceramah ingkang maringi siraman rohani utawi pitutur-pitutur ingkang sae. Allah berfirman wonten ing Surat Al- Asr: 

وَٱلۡعَصۡرِ ١  إِنَّ ٱلۡإِنسَٰنَ لَفِي خُسۡرٍ ٢  إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ وَتَوَاصَوۡاْ بِٱلۡحَقِّ وَتَوَاصَوۡاْ بِٱلصَّبۡرِ ٣

artine : “Demi masa. sayekti manusia kuwi bener-bener ono jero kerugian, kajaba wong-wong sing mangandel lan ngerjakne amal saleh lan celathon nyelathoni supaya noati kebeneran lan celathon nyelathoni ing kesabaran.” 

Hadirin jamaah sholat Jum’ah ingkang minulyo

Menawi pitutur-pitutur sae sampun mboten dipun anggep, menapa ingkang kedadosan? Tentu kemawon ingkang kedadosan inggih punika kemerosotan moral.

Ing kesempatan niki, kula ngemutaken dhateng awak kula piyambak khususipun uga dhateng hadirin ing umumipun tansah dandosi utawi njagi moral kita sedaya. amargi, kita sedaya mboten nengga teguran saking Allah amargi kesupen lan nindakaken larangan-laranganipun Allah.

Allah dawuh: 

ظَهَرَ ٱلۡفَسَادُ فِي ٱلۡبَرِّ وَٱلۡبَحۡرِ بِمَا كَسَبَتۡ أَيۡدِي ٱلنَّاسِ لِيُذِيقَهُم بَعۡضَ ٱلَّذِي عَمِلُواْ لَعَلَّهُمۡ يَرۡجِعُونَ ٤١

Artine: “ Wes ketok karusakan neng darat lan segoro amarga panggawe tangan manungsa supaya Allah rumangsakne marang deekne kabeh saka (akibat) panggawe dekne kabeh. Ben dekne kabeh bali (menyang dalan sing bener).” (QS. Ar-Rum:41) 

Menawi kita sedaya cermati bilih karisakan alam  dipun akibataken sifat rakus manungsa ingkang mboten bijaksana anggenipun ngrumat soho manfaataken kekayaan alam. Kerakusan inggih punika kosok wangsulipun saking sifat qonaah. Sifat rakus ngrupikaken kemerosotan moral manungsa piyambak.

Jamaah Jum’at Rahimakumullah 

Kita sedaya mangertosi menawi kajawi dipun sukani nurani ingkang  njejegaken sifat-sifat ketuhanan (al-khuluq), wonten ing awak kita sedaya ugi enten hawa nafsu ingkang cenderung dateng materi. Saben kala kedadosan tarik-tarikan antawis kekalihipun. Menawi ingkang menang  nafsu, mila manungsa badhe mandhap derajat uga moralipun. Semanten ugi menawi nurani saged ngalahaken nafsu,tiyang kasebat bade dipun angkat derajatipun deneng Allah Swt.

Jam’ah Jum’ah rahimakumullah 

tembung moral asring identik (sami)  kaliyan budi pekerti, adab, etika, tatakrama lan lintunipun. Ing basa arab asring dipun sebat kaliyan tembung al-akhlaq utawi al-adab. Al-Akhlaq bentuk jamakipun “al-khuluq”, artosipun budi pekerti utawi moralitas. Tembung ingkang dipun sebat namung kaping kalih wonten ing al-Quran setunggal wonten ing surat al-Syuara 137 

إِنْ هَذَا إِلَّا خُلُقُ الْأَوَّلِينَ

sing artine: “(agama iki) iki ora liya mung adat kebiyasan wong dhisik.” 

Uga ingkang kaping kalih lebet surat al-Qalam 4; 

وَإِنَّكَ لَعَلى خُلُقٍ عَظِيمٍ

ingkang artosipun: “saktemene siro (Muhammad) ana pakerti sing agung.” 

Wonten ing agami Islam, Kristen, Hindu sarto Budha, moral yaiku pondasi ingkang kedah kiyat uga tetep wetah. Gesang tanpo moral kados badan tanpo sirah. Boten badhe kanaman badan ingkang sampurna menawi sirah punika boten enten. Mila mekaten, gesang tanpo entenipun moral boten badhe sampurna. Rasulullah Saw piyambak dipun utus dening Allah supados nyampurnakaken moral ingkang mulia (makarimal akhlaq). 

Jamaah Jum’ah Rahimakumullah 

Kemerosotan moral niki saget menimpa sinten kamawon. Boten praduli piyambakipun gadah kedudukan utawi jabatan ingkang inggil. mboten praduli piyambakipun gadah rupo elok utawi awon. Boten praduli piyambakipun kaum berduit utawi kaum papa, pinter menapa tiyangipun ngantos bergelar kesarjanaan inggil, piyambakipun saget terjerat dening hawa nafsu. Amargi Allah sampun ngunci manah uga pamirenganipun amargi piyambakipun menangaken hawa nafsunipun.

Allah dawuh:

 أَفَرَءَيۡتَ مَنِ ٱتَّخَذَ إِلَٰهَهُۥ هَوَىٰهُ وَأَضَلَّهُ ٱللَّهُ عَلَىٰ عِلۡمٖ وَخَتَمَ عَلَىٰ سَمۡعِهِۦ وَقَلۡبِهِۦ وَجَعَلَ عَلَىٰ بَصَرِهِۦ غِشَٰوَةٗ فَمَن يَهۡدِيهِ مِنۢ بَعۡدِ ٱللَّهِۚ أَفَلَا تَذَكَّرُونَ ٢٣

artine: “Mula opo kowe nate ndeleng wong sing dadekne hawa nafsune dadi pangerane lan Allah nyasarake dheweke ingatase elmu-Ne lan Allah wis ngunci mati pangrungon lan atine lan pandelokane ditutup? mula sapa sing arep menehi pituduh sawise Allah (dheweke sesat). mula geneya kowe ora njupuk piwulang?” (QS. Al-Jaathiya : 23)

Lajeng kados pundi upoyo kito sedoyo jagi moral saking godaan hawa nafsu wonten ing zaman modern meniko? Salah satunggalipun sebab moral merosot inggih punika lunturipun keimanan utawi kapitadosan dateng Allah, dinten akhir ugi piwales syurga-neroko. Milo saking meniko salah satunggalipun cara jagi moral kito sedoyo kanti tansah ngatah-ngatahaken eling dateng Allah utawi dzikrullah.

Ma’asyirol muslimin jamaah Jum’ah ingkang berbahagia 

Dzikir yaiku samukawis ingkang enteng amargi arupi ucapan, nanging ageng sanget ginanipun kunjuk kita sedaya.  Nanging kita sedaya katah ingkang kesupen dzikir, amargi kesibukan kita sedaya saben dinten.
Syaikhul Islam Ibnu Taimiyyah nate wicanten, “Dzikir kunjuk manah ibarat toya kunjuk ulam. menapa dadosipun menawi ulam dipun medalaken saking toya?” 

Ngendikanipun Ibnu Taimiyyah kesebat patut kita sedaya renungaken. Napa pancen manah kita sedaya sampun dipun isi nutrisi ingkang sae utawi dereng? Amargi, nutrisi ingkang nami dzikir niki sanget wigati kunjuk manah. Manah ingkang mboten nate dzikir ngeling Allah, mila saget dadosaken manah ingkang pejah. Uga menawi manah sampun pejah, mila hawa nafsu ingkang badhe salajeng ginem. 

Wodening ginanipun dzikir antawisipun inggih punika: 

Setunggal, dzikir yaiku daharan pokok  kunjuk manah ugi roh. Menawi tiyang kecalan dzikir punika, mila piyambakipun wonten awak ingkang boten nate dahar.

Abu Musa al-Asyari ngeriwayataken menawi Rasulullah dawuh, “Umpamane wong sing dzzikir marang Allah karo wong sing ra tau dzikir iku koyo wong sing urip lan wong sing mati.” (HR. Bukhori)

kaping kalih, dzikir saged ngicalaken kesedhihan uga kegelisahan lebet manah. kaliyan dzikir mila manah dados tentrem uga tenang. Kados syi’ir jawi, “ tombo ati iku limo ing wernane. Kaping pisan moco qur’an sak maknane. Kaping pindo sholat wengi lakonono, kaping telu wong kang sholih kumpulono, kaping papat weteng kudu ingkang luwe. Kaping limo dzikir wengi ingkang suwe.”

Salah satunggal jampi manah yaiku dzikir ingkang dangu ing dalu dinten. Rikala tiyang sami tilem, kita sedaya wungu sholat uga dzikir. 

Allah dawuh: 

ٱلَّذِينَ ءَامَنُواْ وَتَطۡمَئِنُّ قُلُوبُهُم بِذِكۡرِ ٱللَّهِۗ أَلَا بِذِكۡرِ ٱللَّهِ تَطۡمَئِنُّ ٱلۡقُلُوبُ ٢٨

“(yaiku) wong-wong sing mangandel lan ati dekne kabeh dadi tentram karo ngeling Allah. Elinga, mung karo ngeling Allah-lah ati dadi tentram.” (QS. Ar-Rad28 )

ketelu, dzikir ndamel hamba dipun eling dening Allah nalika tiyang dzikir, eling marang Allah, mila Allah bakal eling marang hambanipun. Yektos kabejan tiyang ingkang dipun eling marang Allah.

فَٱذۡكُرُونِيٓ أَذۡكُرۡكُمۡ وَٱشۡكُرُواْ لِي وَلَا تَكۡفُرُونِ ١٥٢

“Amarga kuwi, elinga kowe marang Aku, mongko Aku eling (uga) marang awakmu lan podo syukuro marang Aku lan ojo ngufuri nikmat-Ku” (QS.Al-Baqoroh152)

kaping sekawan, tiyang ingkang tansah dzikir utawi eling Allah dipun tebihaken saking maksiat. Nalika piyambakipun eling Allah uga nyumerepi bilih Allah mirsani menapa ingkang dipun lampahi. Mangka piyambakipun isin uga ajrih numindakaken maksiat.

Cobi kita sedaya tingali, mesti mboten wonten tiyang ingkang sakderenge mendem, judi, mlebet teng lokalisasi maos “bismillahirrohmanirrohim”. Berarti dzikir meniko nebihaken saking maksiat.

 Ma’asyirol muslimin rahimakumullah 

Kados ingkang sampun kula sebataken ing inggil bilih kemerosotan moral keranten menungso sampun ngicalaken kawontenan Pangeran (eksistensi Tuhan) wonten ing manahipun. Mila saking punika, kados ingkang dipun sebataken dening Prof. Jaques Barzun bilih kita sedaya kedah mangsulaken Pangeran dhateng kelenggahanipun ingkang sayektos. (restore god to the fullness of his reality).

Salah satunggal cara ndhatengaken Pangeran (Gusti Allah) yaiku kaliyan ngeling utawi dzikir marang Allah. Dzikir saget kita sedaya tumindakaken wonten pundi kemawon. Ing panggenan nyambut damel, ing panggen ibadah, lan sanes-sanesipun. Mbok menawi amargi kesibukan kita sedaya uga keluarga, dadosipun kita kesupen utawi boten kober dzikir, saenipun dzikir meniko kita programaken. Kados, wonten ing keluarga gadahi program sholat maghrib kanti jamaah ing griya kaliyan keluarga lajeng dipun isi dzikir sareng. Wonten ing sekolahan-sekolahan ugi saget dipun programaken sewulan pisan dzikir sareng. Senahoso biasanipun dzikir sareng wonten ing sekolahan menawi nyeraki ujian nasional. Tentu kemawon dzikir sareng niki boten namung gadah tujuan kersane dipun paringi kelancaran wonten ing ujian utawi sinau. Nanging ugi saget njagi pandamel siswa saking kemerosotan moral.

 
Ma’asyirol muslimin rohimakumullah 

Cekap semanten ingkang saget kula aturaken. mugi-mugi kita sedaya tansah pinaringan pitulung dening Allah Swt saking pengaruh hawa nafsu ingkang saget nyesataken kita sedaya.